Xornada do Reencontro 2021

Benqueridas compañeiras

Como estades? Como están as vosas familias, a vosa xente máis querida? Como foi indo o verán? Como está sendo retomar o ritmo de a diario?

Este mes imos ter a Xornada do Reencontro! Unha oportunidade para vernos, estar… Vivimos moitas cousas todos estes meses pasados: situacións inesperadas, moitas veces dolorosas, algunhas abríndonos a novos lugares vitais… De seguro que nos vai encantar xuntarnos para escoitarnos, compartir, arrouparnos, sentírmonos en colectivo… Desde o corazón, desde o corazón da Terra, desde o corazón da Vida.

Desta volta, a Xornada do Reencontro vai ser o sábado 25 de setembro, no Local Social de Pontepedriña.

Este ano, excepcionalmente por cuestións das restricións do Covid imos facelo do seguinte xeito:

          1. Apuntarnos ao grupo da mañá (de 10h a 14h) ou no grupo da tarde (de 16h a 20h)

          2. Se chove, déixannos estar na sala un grupo de 6. Se fai bo tempo, poderemos estar no parque do   local social e ampliar o  grupo ata 10

          3. Se fai bo, faremos xuntas o xantar no parque do local social: o grupo da mañá e o grupo da tarde. Se chove, xantaremos cadaquén pola nosa conta

Ben, pois ídevos apuntando antes do domingo 19 de setembro… E ide reservando dataaaaaaa nas vosas axendas!!!

Recordade que a Xornada do Reencontro é exclusivamente para mulleres que teñades participado nalgún obradoiro así que, neste caso, NON reenviedes a convocatoria.

Coma sempre, a achega económica vai ser voluntaria, poñeremos un peto alí na sala.

Unha apertiña e moito, moito Botrato para as vosas vidas!!!

Na praia do Patriarcado, coas gafas violetas de Coral Herrera

Non vos perdades este diario de verán que nos regala Coral Herrera, coñecida por ser unha das máis lúcidas analistas feministas, centrada en deconstruir o mito do amor romántico…

No seu blog, e dun xeito sinxelo e especialmente suxestivo, vai mirando coas súas gafas violetas e contándonos o que ve na praia do Patriarcado na que está pasando as súas vacacións…

Mandámosvos o enlace do día 5: “Y la cita romántica en la playa del patriarcado” e desde el podedes acceder aos días anteriores: “Y los cuidados”, “Y las tetas liberadas”, “Y la tormenta en el Mediterráneo”, “Y las familias felices”.

Para ler nós, para lerlle a outrxs, para dar a ler a nosas fillas e fillos…

https://haikita.blogspot.com/2021/08/dia-5-y-la-cita-romantica-en-la-playa.html

Curso Básico de Facilitación de Grupos

A través de María chéganos esta convocatoria ao “Curso básico de facilitación de grupos. Ferramentas e habilidades para a xesión de colectivos“, que vai pola súa VIII edición na Galiza. É un curso que organiza a cooperativa Rexenerando, un equipo interdisciplinar que desenvolven proxectos arredor de tres eixos de traballo: igualdade de xénero, participación social e cultura.

Dámoslles a palabra:

“Desde Rexenerando comprácenos contarche que en outubro volve o Curso Básico de Facilitación de Grupos do IIFAC-e ás nosas terras. Trátase dunha formación que busca contribuír a un cambio de paradigma nas relacións humanas, para coñecer e integrar na nosa práctica diaria a revolución que supón aprender a traballar en colectivo. Está dirixida a persoas que traballan con grupos ou teñen interese en aprender máis sobre ferramentas, habilidades e metodoloxías neste eido.

O curso desenvólvese de outubro de 2021 a maio de 2022, en módulos mensuais de fin de semana. Celébrase de maneira presencial en Santiago de Compostela, e ten un custe de 950 €. Está homologado polo IIFAC-e, e pode ser bonificado.

No dossier anexo podes consultar toda a información, incluíndo o calendario e programación dos módulos. Podes seguir tamén as novas do curso na nosa web e redes sociais.

Se tes interese en matricularte, escríbenos a info@rexenerando.com para que che facilitemos o formulario de inscrición e che deamos as instrucións para facer o pagamento da reserva de praza. Ten en conta que as inscricións que se realicen antes do 31 de xullo terán un desconto do 5% (50 €) na matrícula. “

Ben, pois unha oferta de interese na nosa terra…

Cinco xéneros? Tamén é posible…

O pobo bugi da illa Célebes, de Indonesia, ten palabras para cinco xéneros que representan cinco formas de estar no mundo”, explica Sharyn Graham Davies, antropóloga da Universidade Monash en Melbourne, Australia…

Para ampliar olladas e sentires… Para abrir perspectivas… O binarismo do masculino e do feminino que algúns feminismos poñen en cuestión ábrenos a unha realidade existente desde hai tempo en moitas culturas…

Se queres ler o artigo, preme aquí

Corpos enfermos. A enfermidade como lugar de poder e enfermidade – Obradoiro

A nosa amiga Meri fai esta convocatoria tan orixinal como necesaria: “Corpos enfermos. A enfermidade como lugar de poder e enfermidade”. Síntome honrada de poder divulgala, co desexo de que vos aproveite a moitas/os de vós…

Ela mesma a presenta así: “Este taller pretende ser un espacio donde poder traernos desde nuestros cuerpos enfermos para colocar en el centro las vivencias que nos atraviesan como personas que transitamos la(s) enfermedad(es). Un lugar que generalmente no es acogido por nuestra sociedad.
El objetivo de este espacio es poder generar un lugar de encuentro donde abordar las dificultades, retos y aprendizajes que la enfermedad trae consigo. Explorar cómo a un nivel el hecho de estar enfermas nos desempodera pero cómo también, a otros niveles, podemos encontrar un potencial profundo a través de la vulnerabilidad.

Será un taller teórico-vivencial en el que, desde la mirada de trabajo de procesos, conectaremos con nuestro sueño de vida y con los retos para llevarlo adelante. Traeremos consciencia de las desigualdades de rango y del privilegio capacitista para con los cuerpos enfermos. Y reconectaremos con nuestros aliados internos como fuentes de poder”.

Se queres saber máis ou se queres apuntarte, podes entrar aquí.

La boda de Rosa… Botrato en acción

A nosa compañeira Patricia mandoume un fermoso agasallo cun dos momentos máis entrañables da película de Iciar BollaínLa Boda de Rosa“, galardoada con dous Goyas: o momento en que a protagonista, unha muller a punto de cumprir os 45 anos, cae na conta de que sempre vivíu pendente de satisfacer as necesidades dos demáis e decide facer un fermoso compromiso de amor consigo mesma… A magnífica Rozalén pón música á película coa súa canción orixinal “Que No, Que no”…

Un película para ver puro Botrato en acción, unha canción para gozar e reconectarnos con nós mesmas! Non vola perdades!!

Sen coidados non hai vida… Celebrando o 8 de marzo 2021…

Mañá concentrarémonos moitas mulleres en todo o país, en todo o planeta… Velaquí o Manifesto que Galegas 8M sacamos este ano… Para lelo fai clic aquí

Un ano máis: a facer folga, a saír ás rúas para reivindicar a centralidade dos coidados para a vida… Se queres saber onde vai haber concentracións e manifestacións (todas elas coas medidas de seguridade para o noso coidado e das demais compañeiras), mira neste mapa.