“Esta son eu con 16 anos, a finais da década dos 90. Recordo que, nese momento, mentres me quitaban a foto, o meu desexo de camiñar cómoda loitaba contra o que dicía a miña familia e a miña sociedade. Pasaron moitos anos, pero volver ver esta fotografía fíxome recordar a pregunta que sempre estivo na miña cabeza: por que para ser máis guapas e máis femininas, temos que usar tacón?”
Así comeza este fermoso documental con guión e dirección de Raquel Rei Branco, compañeira coa que algunhas coincidistes nalgún obradoiro; un documental que se cuestiona dun xeito moi persoal e con intelixencia aspectos da construción da nosa identidade de xénero.
É un documental que se ve con moito gusto, que dá moito para pensar, interesante mesmo para a reflexión nun espazo de mulleres… E ademais é un documental de gran beleza, acompañado da música de Habelas Hainas… unha delicia.
Graciñas Raquel, por compartírnolo!!!
Dez centímetros máis perto do ceu # Galego from raquel rei on Vimeo.
REENCONTRO 