Confiando nas súas emocións… Un obradoiro para conectar coas nosas emocións e recoñecelas con paz

Benqueridiñas

Envíovos a convocatoria a un obradoiro que sei moi esperado por moitas de vós… Finalmente pódese facer realidade e leva por título: Sen partir, a muller sabia empeza a súa viaxe. CONFIANDO NAS SÚAS EMOCIÓNS comprende sen esforzo, que é un dos versos do precioso libro El Tao de las mujeres (de Pamela K. Metz e Jacqueline L. Tobin, editorial Gaia).

Vai ser un espazo para conectar coas nosas emocións: coa tristura, o enfado e a rabia, o medo, a satisfacción, a culpa, o amor, a vergonza, a alegría, a dor… Un espazo para permitirnos sentir, escoitar tranquilamente as nosas emocións, miralas con tenrura e recoñecelas con paz. Esta é unha ruta de autocoñecemento para o cambio desde a aceptación de como estamos en cada momento.

Por suposto, podedes facer extensiva esta invitación a outras mulleres da vosa vida que poidan estar interesadas.

Para apuntarse, cómpre chamar ao 639 20 36 69 antes do venres 05 de febreiro. Coma sempre, as prazas van ser limitadas.

Desta volta, priorizarase a inscrición das mulleres que teñan participado nalgún outro espazo de TR.

Unha apertiña.

Tareixa.

Sobre dos guións de vida… 48 cousas que as mulleres escoitan ao longo da súa vida…

Falamos e traballamos os guións de vida hai uns días no obradoiro de Relacións afectivas e vínculos amorosos e Eva, unha das participantes, mandounos este video de algo menos de dous minutos: 48 cousas que as mulleres escoitan ao longo da súa vida. Nel aparecen algunhas desas frases que, un día si e outro tamén, nos toca escoitar ás mulleres… Son guións de vida de xénero que nos transmiten na casa, no colexio, no traballo, nos medios de comunicación…

Os guións de vida sostéñense cunha frase que se repite e repite. Non son meus, pero funciono con eles. Son patróns que me obrigan a facer algo, mandatos internos: “hei de facer isto…” Só se me dou conta dos guións cos que funciono e que me mancan, podo cambiar de lugar e verme doutro xeito. Porque os guións son aprendidos (non están no código xenético!) e temos sempre a liberdade de aprender a desaprender.

 

Medrar en parella. Obradoiro para parellas en Compostela

Benqueridas/os

Desta volta, mándovos a convocatoria a un novo obradoiro vivencial teórico-práctico: Medrar en parella.

Un  espazo  para  parellas  de  todo  tipo  e  condición,  con  desexo  de  encontrarse e reencontrarse desde a escoita e o respecto ao propio ritmo… Un espazo para explorar modelos de relación e construír proxecto amoroso para o bo trato…

Que mellor maneira de comezar o ano?

Será o sábado 23 de xaneiro, de 10h a 14h en Compostela (no anexo aparece      máis información).

Para apuntarvos,  chamade  ao 639 20 36 69  antes do venres 15 de xaneiro. Prazas limitadas!

Por suposto, podedes facer extensiva esta invitación a quen poida estar interesada/o…

Unha apertiña.