O concello de Barbadás organiza para este sábado 29 de setembro, a I Romería Feminista: Logo do 8M, camiñamos. O programa conta con mesas de debate, poesía, teatro, postos na rúa, espazo infantil e para xantar, ademais da participación musical de Xestreu, Sés, The tetas van e De vacas.
Para acceder á convocatoria, pincha aquí
Se queres ver en video como a Concelleira de Igualdade de Barbadás anuncia o evento, podes pinchar aquí
Dous espazos de lecer diferentes…
Cantarelando, unha proposta de foliada aberta con Habelas Hainas, como “espazo feminista para cantarmos juntas“. Está organizado pola cooperativa Cantarela e envíanos a convocatoria a compañeira Mónica…
E Canteira, un Festival que se vai celebrar en Vilaboa, e do que nos manda a convocatoria a compañeira Lucía…
Noraboa ás dúas pola organización de ofertas tan apetecibles!
A nosa querida compañeira Olga, que forma parte da cooperativa Rexenerando, pídeme que divulgue a celebración de dous cursos que elas organizan, e fágoo con todo o meu cariño, confiada no interese das súas propostas…
Recollo parte do seu correo:
“Escrevo-che em relaçom a duas convocatórias que cordinamos desde Rexenerando, a cooperativa da que som parte, e que me parece que podem ser do interesse de muitas das mulheres que acodem aos teus obradoiros. As duas se enmarcam na facilitaçom de grupos desde o trabalho de processos, e as imparte gente que foi profe de muitas (Leti, Vero, Meri Rosendo, Mari Fidalgo, e demais companheiras).
A primeira chama-se “Do conflito ao soño. Ferramentas facilitadoras para a xestión da aula”. Está especialmente pensado para profes, e trata-se de explorar como se sentem como docentes, que passa com os conflitos que xordem na aula, e conectar com o sonho como educadoras.
A segunda é a formaçom do Grao Básico de Facilitaçom de Grupos do IIFACE, que se celebrará desde novembro 2018 até julho 2019.
Haverá mais informaçom estes dias em www.rexenerando.com”
E tamén podes pinchar en Do conflito ao soño_dossier ou en CATALOGO_FACILICITACION_PANT
A asociación Rede de Mulleres Veciñais contra os Malos Tratos de Vigo organiza o seu 8º Encontro Nacional de Mulleres en Panxón este 14, 15 e 16 de setembro. Desta volta celebrando ademáis o seu 20º aniversario co lema Seguimos camiñando cara a igualdade. Noraboa por tantos anos de dedicación e empeño!
O sábado pola mañá falarán Lola Ferreiro Díaz e Rosa Arcos Caamaño ao redor da violencia de xénero.
E pola tarde, contaremos con tres obradoiros: Discriminación por raza no movemento feminista (Zinthia Álvarez e Artemisa Semedo), Como negociar na parella… e no resto das relacións (Tareixa Ledo Regal) e Danza libre e conciencia corporal (Iria Cacheiro Paradelo).
Para acceder ao programa completo e apuntarse, podes pinchar aquí.
Ola mulleres do Reencontro!
Coma outros anos, este mes de setembro imos ter a nosa Xornada do Reencontro! Unha vez máis, quere ser unha oportunidade para o encontro con nós mesmas e para o reencontro con compañeiras coas que compartimos experiencia e proceso noutros obradoiros…
Queremos seguir creando redes afectivas entre nós, redes para o bo trato, para a saúde e a vida… para nós e para todos os seres do planeta… Nesta fermosa tarefa andamos todas, dun ou doutro xeito…
Este ano, a Xornada vai ser o sábado 29 de setembro… E dedicarémola a honrar as mulleres que nos precederon… Mulleres amadas e referentes da nosa vida, significativas e aliadas, que infundiron sentido á nosa existencia… Mulleres que partiron, que xa non están… Imos recuperar a súa memoria e recordalas con agradecemento e alegría. Porque cando recoñecemos ás nosas devanceiras, somos quen de recoñecernos a nós mesmas…
Así que ide reservando data nas vosas axendas… e apuntádevos antes do sábado 22 de setembro…
Apertiñas e… moito Botrato!!!
REENCONTRO 