Expo: un novo terapeuta morfoanalista en Galiza…

O noso compañeiro Expo, membro de Micromachinhos, pídeme dar a coñecer a súa nova andaina… Fágoo con moito cariño para el, segura de que vai facer unha magnífica achega cos seus coñecementos e experiencia. Noraboa, compañeiro! E moito éxito…

Transcribo a continucaión as súas palabras:

“Ola Tareixa son Expo e escréboche para comunicarte que acabo de iniciar o meu camiño como Terapeuta Morfoanalista. A verdade é que estou moi ilusionado e feliz con esta nova faceta de poder acompañar ás persoas desde este traballo que se fai de xeito individual. Agora mesmo estou enviando o díptico publicitario a profesionais que coñezo e que comprenden o lado humano deste traballo e que polo tanto poden achegarme a persoas que precisen deste acompañamento nalgún momento das súas vidas.”

Para ver o díptico de presentación, preme aquí

Coral Herrera Gómez: sufrir menos e desfrutar máis do amor

Coral Herrera Gómez, escritora feminista coñecida pola súa crítica ao mito do amor romántico, desmonta neste artigo a idea de que hai que sufrir para amar de verdade. A autora aposta pola transformación colectiva das emocións e dos sentimentos, e pola construción de novas formas de querernos baseadas na tenrura social, no compañeirismo, no agarimo, na xenerosidade, a empatía e o desfrute.

Para ler este e outros artigos no blog da autora, preme aquí

Presentación pública do documento: Protocolo conta as violências machistas mos movementos sociais

Mari Fidalgo convídanos a participar na presentación pública do documento: Protocolo contra as violências machistas nos movementos sociais, un documento froito dunha reflexión colectiva, sen dúbida de máximo interese para todas e todos nós… En palabras de Mari:

“Prezada companheira

Como sabes, as agressons sexistas nos movimentos sociais som umha realidade quotidiana. Nom se trata de episódios isolados, nem raros, muito menos extraordinários. Ao contrário, fam parte das dinámicas relacionais e, de tempos em tempos, acontece umha de extrema gravidade, como umha violaçom ou agressom sexual evidente, ou agressom física … mas estas, insistimos, só emergem dumha situaçom estrutural de grupos e de organizaçons patriarcalizadas, e algumhas entendemos que é hora de começar a intervir de maneira sistemática e organizada.

Para começar a fazê-lo, um grupo de companheiras do movimento feminista começárom a trabalhar há mais de um ano. O resultado deste trabalho é um documento que contém um Protocolo de Açom contra as Violências Machistas nos movimentos sociais.

Neste documento analisam-se as violências, fornecem-se diretrizes para identificá-las em todas as suas dimensons e formas, orientam-se açons para atendê-las quando ocorrem, para preveni-las quando ainda nom ocorrem e para acompanhar as mulheres que as sofrem (que as sofremos, de facto). Em resumo, para contribuir para o processo de despatriarcalizaçom da esquerda.

Depois de preparar o rascunho, de vários debates e contribuiçons em assembleia, o documento foi aprovado e queremos compartilhá-lo contigo e com todas, portanto decidimos fazer umha apresentaçom pública…

Esperamos que a ocasiom seja outra oportunidade para nos encontrarmos e que podamos contar, debater, expressar e celebrar esse novo passo no caminho que temos por diante?

E mais nada, salvo insistir na necessidade de te ver, de nos ver e acompanhar. Enviamos-te um enorme abraço lilás.”