Uma qualquer: retratos para o empoderamento

Quero facervos partícipes dun fermoso proxecto: Uma qualquer, proxecto que pretende facilitar o noso autocoñecemento a través de retratos para o empoderamento… Charo, a súa creadora, pídeme que difunda a iniciativa e así o fago encantada, reenviándovos o seu correo no que explica de propia man o proxecto. Quen se anima?
———————————————
Boa tarde Tareixa!
Aqui Charo, tenho feito alguns obradoiros contigo e também sessons individuais. Mas agora escrevo-te para oferecer e nom para pedir :
Venho de me embarcar numha aventura laboral, tentando profissionalizar-me na fotografia, mas com vontade de fazer trabalhos que conjuguem o ético e o estético. Assim, criei o projeto Uma qualquer
Aqui procuro desenvolver umha posta em comum de ideias e traços identitários com a retratada, e que as fotos se convirtam num jogo de autoconhecimento e autorepresentaçom. Que a sessom seja como umha performance, e tanto o processo como o resultado resulte empoderante e grato.
Lembrei o meu processo contigo, o trabalho com a fotobiografia… E pareceu-me que umha sessom de fotos poderia ser um autoagasalho chulo para muitas mulheres que em um ponto decidam dizer: “esta som eu, agora”.
De fato, a ideia nasceu assim, com algumhas amigas que precisavam ritualizar algum momento do processo das suas vidas e queriam celebra-lo guardando a memória da sua representaçom, como nos ritos tradicionais, que também se fotografam.
Pois igual quando se inaugura umha nova década, se muda de casa, se começa umha vida após umha separaçom, ou o que for.
E bom, queria fazer-che chegar a informaçom, por se che parece bem, que o tenhas em conta para o teu círculo próximo e/ou com algumas das mulheres que acompanhas; eventualmente pode apetecer-lhe a alguém.
Tenho cartons em papel, que che poderia fazer chegar, se queres. Ou bem, o link ao portfólio e também ao meu instagram.
A informaçom mais técnica é esta:
Queres uma sessom? Fantástico! É valente atrever-se a ultrapassar a vergonha. Para além da vaidade, o direito à afirmaçom.

E em que consiste? Primeiro escreves-me a charolopezfoto@gmail.com e marcamos um encontro, para definir o que che apetece, e orientar-nos sobre cara onde queremos focar o processo. Escolheremos umha localizaçom em interior e outra em exterior, que sejam signficativas para ti. Objetos, açons, processos que falem de quem es. Facilitarei um espaço seguro e relaxado onde expressar-nos, nom é necessário sorrir nem poses forçadas. Procuraremos que a fotografia foque em descubrir-te a ti, nom em copiar referentes manidos.Quanto custa? 130 euros. Se precisas, fala-me da tua situaçom e podemos fragmentar o pagamento ou talvez negociar trocas. Todas temos algo que oferecer

Queres fazer um presente? Ótimo! Escreve-me e envio-te um bono regalo para ofereceres à pessoa que queiras, depois passas-me o contato e já podes deixar todo da minha mao.

O que recebes? Um pendrive com as imagens em alta qualidade para impressom e em baixa resoluçom, para visionado digital. Três cópias impressas em tamanho 10×15. E umha experiência inmortalizada em imagens para sempre. Celebra o teu momento. Retrata-te.

E assim! Era isto. Obrigada de antemao pola atençom.
Abraço longo,
Charo