Manexando as emocións – Obradoiro para homes

Benqueridos compañeiros

Algúns de vós levádesme pedindo desde hai tempo un espazo de obradoiro… Velaquí vai a proposta, coma un agasallo desde min para vós, e sobre todo como unha invitación a agasallarvos a vós mesmos este espazo de autocoñecemento, este tempo para vós…

O obradoiro vai ser o domingo 15 de xaneiro do vindeiro 2023, en Compostela, en horario de 10h30 a 18h e baixo o título: Manexando as nosas emocións (podes mirar máis abaixo a convocatoria con toda a información)

Vai ser un espazo para conectar coas emocións e recoñecelas: a tristura, o enfado e a rabia, o medo, a culpa, a satisfacción, a soidade, o amor, a vergonza, a alegría, a dor, o abandono… Un espazo de autocoñecemento para aprender a manexar as emocións e adquirir ferramentas para transformar as que nos mancan. Un espazo para aprender a colocarnos na nosa vida desde a alegría e a confianza, desde a bondade e a fortaleza… e construír relacións de botrato para nós e para a xente coa que convivimos.

Por suposto, podedes facer extensiva esta invitación a outros homes que poidan estar interesados: amigos, irmáns, parellas, compañeiros, veciños…

Para apuntarse, cómpre chamar ao 639 20 36 69 antes do venres 6 de xaneiro. Coma sempre, as prazas van ser limitadas.

Unha apertiña de botrato para acompañar estas datas de festas.

   Tareixa.