Autocoidado e Autocoñecemento para o Botrato Obradoiros en Arcade (Soutomaior) e Ponte Caldelas

Benqueridas compañeiras

Este ano, abrimos estas dúas convocatorias de obradoiro a través dos CIM de Arcade (Soutomaior) e Ponte Caldelas, ambos espazos de balde.

A situación que estamos a vivir a raíz do coronavirus é unha situación complexa na que brotan en nós medos do pasado, inseguridades do presente, incertezas de futuro… Sentímonos como nun labirinto sen saber como saír del.

Necesitamos aprender a acompañarnos, conectarnos coa enerxía vital para seguir vivindo desde o autocoidado. Estes dous cursos ofrecen ferramentas para iso, para aprender a manexar este e outros cambios que nos desorientan, nos desbordan, nos xeran confusión… E colocarnos na saúde e no Botrato

Como podedes supoñer,  imos construír un espazo con todas as medidas de seguridade necesarias. Por este motivo, os grupos van ser moi limitados: máximo 9 persoas.

Non perdas a oportunidade!!! Mira datas e horarios… e apúntate!!!

1. Autocoidado para o Botrato en tempos de coronavirus – Arcade (Soutomaior) – Luns 14, 21 e 28 de setembro, e 05 e 19 de outubro, de 10h a 13h. Para apuntarse, chamar ao CIM (986 70 12 27) antes do 7 de setembro.

2. Autocoñecemento para o Botrato en tempos de coronavirus – Ponte Caldelas – Martes 15 e 29 de setembro, e 13 e 27 de outubro, de 10h a 13h OU Martes 22 de setembro, 06 e 20 de outubro, 03 de novembro, de 16h a 20h. Para apuntarse, chamar ao concello (986 75 00 13) antes do 11 de setembro.

“As fillas bravas” en Pontevedra…

Unha vez máis recomendamos a obra de teatro  “As fillas bravas”, da compañía Chévere que se vai representar o vindeiro sábado 1 de agosto ás 22h nas Pistas de Campolongo en Pontevedra.

“As fillas bravas” fala sobre da sexualidade, sobre das relacións de xénero, e sobre os roles das mulleres na sociedade tradicional galega. E faino con liberdade, desenfado e grandes doses de humor para desenmascarar mitos, escapar do rol de vítima e reafirmar modelos empoderados de mulleres.

A obra está protagonizada por Patricia de Lorenzo, Mónica García e Arantza Villar, que dan vida a tres pandereteiras que tocan e cantan do cancioneiro tradicional e provocan empatía ofrecendo unha boa dose de autoestima e gargalladas.

A non perdelas… aquí ou en calquera outro lugar do territorio…

Reconectar-nos com nós mesmas, com as outras e com a Vida

“Reconectar-nos com nós mesmas, com as outras e com a Vida” é un artigo no que abordo a situación do Covid-19 para reflexionar sobre como colocarnos no afora desde unha responsabilidade persoal que favoreza a seguridade de todas e, a un tempo, cultivar no adentro a confianza nas outras, que o mundo é seguro…

Foi publicado no último número de Novas da Galiza, xornal que se define como “un periódico galego de informaçom crítica”. Podes lelo na páx. 3 premendo aquí e acceder así ao número completo con diversos artigos de moito interese.

“Fabricando luz” e “Morra o conto”: A Banda da loba…

A nosa amiga Concha mándanos referencia de A Banda da Loba… Traémosvos dúas das súas cancións: A “Fábrica de Luz”, que é un “canto á creación e á liberdade. Unha declaración de intencións. Unha chiscadela á música dos 80. Moita luz e amor…”. Para velas fai click aquí.
E con motivo de animar á xente a saír á rúa o pasado 8M, A banda da Loba sacara o vídeo “Morra o conto“, cunha letra inspirada no poema “O talle 50”, de Andrea Nunes Brións, recollido en “Todas as mulleres que fun”. Para velas, preme  aquí

Movemento de Mulleres pola Saúde

A nosa compañeira Ana mándanos este video no Día Internacional de Acción pola Saúde das Mulleres, que se celebra o 28 de maio.
O vídeo, realizado pola asociación de Psicoloxía e Psicoterapia Feminista, fai percorrido histórico do Movemento de Mulleres pola Saúde desde os anos 60; tamén fala dos seus logros e vindicaciós pendentes, e dá claves sobre a importancia do feminismo na Saúde Mental.
Para ver o vídeo, preme aquí. Paga a pena coñecer algo desta nosa historia…

Escoitar a Terra, abrigarnos ao ritmo da Vida

Este artigo de opinión en Nós Diario, publicado o pasado 8 de maio… coma un agasallo para todxs vós…

Fala de cambios, deste tempo intermedio no que estamos mergullados: “… un tempo no que a moita xente xa non nos serve o guión vello -cada vez somos máis a escada planetaria quen estamos a poñer en cuestión a súa lexitimidade, a súa utilidade práctica para a Vida- pero aínda non estamos sendo capaces, como sociedade, de instalarnos nun modelo novo.” Recordas os cambios de guión de vida? Diso vai…

E tamén fala da nosa supervivencia no planeta, de como cultivar os coidados, de como soster a nosa esperanza en tempos da “nova normalidade”…

Necesitamos escoitar a Terra, abrigarnos ao ritmo da Vida e da súa enerxía amorosa, para avivecer os soños colectivos e poder facelos realidade.

Para ler o artigo completo, fai click  aquí

Sobre aliadas e pracer. Xogamos?

Hai uns días recibin da nosa compañeira Olga unha fermosa proposta para xogar e quero partillala con vós. Velaí vai…

“Escrevo-vos desde as entranhas do confinamento… A algumhas de vós conhecim-vos em espaços de Tareixa Ledo; a outras nom, mas dalgum jeito temos partilhado também as suas chaves noutros espaços. Há uns dias mandou umha “carta aberta” que me resultou mui inspiradora. Fixo-me pensar com muito carinho em muitas de vós, umha por umha. Nesse exército de aliadas silandeiras que temos ai, latejante, aguardando para sair neste mundo que deixa aos poucos de ser o mundo que conheciamos, para ser outra cousa. E também nalguns desses projetos pessoais que vamos deixando a um lado, nestes ritmos um pouco loucos que levamos às vezes. Rescato um a modo de jogo, para partilhar com vós.

Há um tempo tinha o tema do prazer mui presente (que é isso do prazer? como sentimos prazer cada pessoa? que passaria se as nossas sociedades estiveram construidas sobre ele, no sítio da dor a culpa?…). Lancei-lhe o convite a várias companheiras de que conectaram com um momento no que sentiram prazer, e mo fixeram chegar. Logo eu passava polo corpo essas histórias, e fazia pequenos relatos anónimos sobre momentos de prazer, com toda a sua diversidade e amplitude. Pensei que poderia ser um bom momento para retomar agora a tarefa, que precisamos tanto dessa emoçom para nos soster.

A única condiçom para participar é que seja desde o prazer. Só se che presta, se cho pide o corpo. Pode ser agora ou dentro dum mes, dum ano. Eu nom tenho présa. Pode nom ser, e está genial também.

Se queres jogar, le o documento  (máis abaixo) e fai-me chegar a túa história a olgaromasanta@gmail.com

Por suposto, podedes partilhar o jogo com quem queirades! Se a cousa vai colhendo corpo igual até vos partilho os resultados de volta, e fazemos umha cadeia na que nutrir-nos umhas com os prazeres das outras.

Umha aperta bem fonda, e muitos aços para este tempinho tam dificil e poderoso à vez.

—————   Documento para xogar ao prazer   —————

Este é um tempo para o prazer. Este é um tempo para ti. Toma-o como um agasalho, no que conectar com espaços, pessoas e sensaçons que che fam bem. Busca um espaço que seja prazenteiro para ti, prepara-o, pom-te cómoda. Respira fondo… Conecta com o teu corpo… E desde ai…
1. Conecta com um momento no que sentiras prazer. Grande ou pequeno, único ou quotidiano, há muito tempo ou esta mesma manhá. Nom julgues, só colhe um recordo no que che preste entrar
2. Entra na escena, como se fora um filme. Que há nela? Que passa? Como é o lugar? A que ule? Que ves? Que sensaçons tes no corpo? Recria-te nelas, com liberdade
3. Colhe papel e boli, computador, ou o que che seja mais cómodo, e volca ai a descriçom da escena e as tuas sensaçons. Nom tem que estar bem escrito, só é um jeito de recolher ideias. Mesmo pode ser um debuxo
4. Se che presta, fai-me chegar o teu momento de prazer. Se nom, fica com ele como um presente para estes dias

O prazer é mui amplo, diverso. Segundo como nos fagamos esta pregunta podemos ter acceso a uns recordos ou outros, todos eles igual de gorentosos! Se queres seguir jogando, podes fazer-te outras perguntas: Um momento especialmente prazenteiro para os teus sentidos, para todos eles… Um momento no que sentiras um prazer único, inesperado, que te surpreendeu… Um momento de prazer erótico ti soa, ou com outra(s) pessoa(s)… Um momento de prazer na natureza… Um momento de prazer quotidiano… Um momento de prazer neste confinamento

E assim até onde queiras… Boa viagem!