É un pracer para min compartir un evento no que participa a querida Ángeles Goás, que coñecín de nena e moza por terras de Abadín…
Cunha apertiña para ela vai este convite, que vai ser este vindeiro venres 22 de novembro, ás 21h, na Escola Unitaria de Compostela…
Como elas mesmas expresan: “Nas culturas celta, babilónica, sumeria, etrusca, nipona, azteca, semita, mesopotámica, exipcia, chinesa, xermánica, nórdica, lituana, grega e romana o pobo rendiu culto a distintas deusas da sexualidade, os desexos e mailo pracer.
En Galicia, nos tempos que corren, a carnalidade e o instinto teñen templo en case cada casa no corpo de cada muller. Non é o mesmo ser divinidade que diva. Pero por sorte as divas son moito máis fáciles de alcanzar.
A Vero, a Ángeles e a Carmen xúntanse arredor dunha mesa mentres pican queixo de tetilla, comparten uns chouriciños e proban que pementos pican e cales non, para contarnos historias da erótica do noso país. Porque dende logo, si, cos contos que elas traen hai material para fundar a nosa propia mitoloxía.”
Se queres máis información, podes facer click aquí